24-មករា-2022 - ម៉ោង 02:22:PM
កំពង់ស្ពឺ៖ លោក វ៉ី សំណាង អភិបាលខេត្តកំពង់ស្ពឺ នៅព្រឹកថ្ងៃទី ១៤ ខែមករា ឆ្នាំ២០២២ ជួបសំណេះសំណាលជាមួយអ្នកគ្រូលោកគ្រូ និងសិស្សប្រឡងសញ្ញាបត្រមធ្យមសិក្សាទុតិយភូមិដែលទទួលបាននិទ្ទេស A ទាំង ៣៣នាក់ និងបានប្រគល់រង្វាន់ម៉ូតូម្នាក់១គ្រឿង ជូនដល់សិស្សទទួលបាននិទ្ទេស A ទាំង ៣៣នាក់ ម៉ាក Honda Beat ឆ្នាំ2022 សម្រាប់ក្របខណ្ឌនៃខេត្តកំពង់ស្ពឺជាលើកការលើកទឹកចិត្តផងដែរ ។
នឱកាសនោះផងដែរ លោកអភិបាលខេត្តកំពង់ស្ពឺ វី សំណាង ក៏បានពាំនាំនូវការផ្តាំផ្ញើការសាកសួរសុខទុក្ខពីសំណាក់សម្តេចតេជោ នាយករដ្ឋមន្ត្រីនៃកម្ពុជា និងសម្តេចកិត្តិព្រឹទ្ធបណ្ឌិត ព្រមទាំងចូលរួមអបអរសាទរចំពោះ លទ្ធផលដែលក្មួយៗទទួលបាននៅពលេនេះ។
លោកបានមានប្រសាសន៍បន្ថែមថា នេះវាជាមានមោទកភាពមួយរបស់ខេត្តកំពង់ស្ពឺ យើង ដែលប្អូនៗបានខិត្តខំទទួលបានជ័យលាភីនិទ្ទេស A និងអបអរសារទចំពោះសិស្សានុសិស្សដែលបានប្រឡងជាប់នៅក្នុងឆ្នាំសិក្សា២០២០-២០២១នេះ។ លោកបន្តថា លទ្ធផលដែលបានទទួលថ្ងៃនេះ គឺដោយសារតែមានចំណែកនៃការខិតខំរបស់សិស្ស មាតាបិតា និងរបស់លោក អ្នកគ្រូ និងការធ្វើកំណែទម្រង់របស់រដ្ឋាភិបាលលើវិស័យអប់រំយើង ។
ជាចុងក្រោយ លោកអភិបាលខេត្ត ក៏បានអំពាវនាវដល់សិស្សានុសិស្សទាំងអស់ ត្រូវបន្តការខិតខំតទៅទៀត ទាំងសិស្សដែលប្រឡងជាប់ ទាំងសិស្សប្រឡងមិនជាប់។ សិស្សប្រឡងជាប់ត្រូវបន្តការខិតខំបន្ថែមទៀត ដើម្បីឈានឆ្ពោះទៅរកការសិក្សាខ្ពស់ជាងនេះ។ ចំណែកឯអ្នកដែលប្រឡងមិនជាប់ សូមកុំអស់សង្ឃឹមអី គឺត្រូវតែខិតខំរៀនបន្តឲ្យកាន់តែខ្លាំង ដើម្បីការប្រឡងលើកក្រោយយើងទទួលបានជោគជ័យដូចគ្នា ៕
