30-វិច្ឆិកា-2021 - ម៉ោង 02:19:PM
តាកែវ៖ បន្ទាប់ពីឡើងកាន់តំណែងជាស្នងការខេត្តតាកែវ កាលពីបេលថ្មីៗកន្លងទៅនេះ ស្នងការនគបាលខេត្តតាកែវ លោកឧត្តមសេនីយ៍ទោ ឈាង ផាន់ណារ៉ា បានដាក់បទបញ្ជាដល់អធិការក្រុងស្រុកទាំង១០ នៅក្នុងខេត្តតាកែវ ត្រូវធ្វើយ៉ាងទប់ស្កាត់ការប្រើប្រាស់ ចែកចាយនឹងការផលិតគ្រឿងញៀន នៅក្នុងមូលដ្ឋានរបស់ខ្លួនកុំអោយកើតមាន ដោយចាត់ទុកបញ្ហាការបង្រ្កាបគ្រឿងញៀន គឺជាបញ្ហាអទិភាពនៅក្នុងការដឹកនាំគ្រប់គ្រង របស់អធិការក្រុងស្រុកទាំងអស់។
ថ្លែងនៅចំពោះមុខអធិការក្រុងស្រុក និងប្រធានការរិយាល័យនៃស្នងការដ្ឋាននគបាលខេត្តតាកែវ នៅក្នុងកិច្ចប្រជុំបូកសរុបសភាពការណ៍ និងលទ្ធផលកិច្ចសហប្រតិបត្តិការរក្សាសន្តិសុខសណ្ដាប់ធ្នាប់សង្គម ប្រចាំខែវិច្ឆិកា និងលើកទិសដៅខែធ្នូ ឆ្នាំ២០២១ នៅថ្ងៃ ច័ន្ទ ទី ២៩ ខែ វិឆ្ឆិកា ឆ្នាំ ២០២១នេះ លោកឧត្តមសេនីយ៍ទោ ឈាង ផាន់ណារ៉ា ស្នងការខេត្តតាកែវ បានថ្លែងថា អធិការក្រុងស្រុកទាំងអស់ត្រូវសហការជាមួយ ការរិយាល័យបង្រ្កាបគ្រឿងញៀន ដើម្បីធ្វើយ៉ាងណាទប់ស្កាត់ការប្រើប្រាស់ ចែកចាយនិងផលឹតគ្រឿងញៀន នៅក្នុងមូលដ្ឋានរបស់ខ្លួន ដោយស្វែងរកអ្នកនៅពីក្រោយ ហើយបើជាអ្នកនៅពីក្រោយនៃការចែកចាយគ្រឿងញៀនជាសមត្ថកិច្ច ត្រូវរាយការដោយផ្ទាល់មកស្នងការដើម្បីសុំគោលការទៅថ្នាក់លើ ដើម្បីចាប់ខ្លួនសមត្ថកិច្ចជាអ្នកចែកចាយនោះតែម្ដងដោយមិនត្រូវអោយរួចខ្លួនពីសំណាញ់ច្បាប់នោះទេ។
លោកស្នងការខេត្តតាកែវក៍បានណែនាំ ដល់អធិការក្រុងស្រុកទាំងអស់មិនត្រូវលាក់លៀមបទល្មើស នៅក្នុងមូលដ្ឋានរបស់ខ្លួនដោយព្រួយបារម្ភពីការស្ដីបន្ទោសរបស់ថ្នាក់ដឹកនោះទេ តែផ្ទុយទៅវិញត្រូវរាយការរាល់បទល្មើសទាំងអស់ ដើម្បីធ្វើយ៉ាងណាសហការជាមួយសមត្ថកិច្ចពាក់ព័ន្ធ បង្រ្កាបបទល្មើសទាំងអស់នោះអោយបាន ដើម្បីធ្វើយ៉ាងណាស្របទៅនិងគោលនយោបាយ ភូមិឃុំមានសុវត្ថិភាពជាពិសេសភូមិឃុំគ្មានការប្រើប្រាស់ ចែកចាយគ្រឿងញៀន។
ឆ្លៀតនៅក្នុងឱកាសនោះលោកឧត្តមសេនីយ៍ទោ ឈាង ផាន់ណារ៉ា ក៍បានណែនាំដល់សមត្ថកិច្ចទាំងអស់ត្រូវខឹតខំបំរើប្រជាពលរដ្ឋអោយបានល្អនិងត្រូវកាត់បន្ថយការថ្នាំងថ្នាក់ជាមួយប្រជាពលរដ្ឋ ដើម្បីធ្វើយ៉ាងណាទាក់ទាញនិងផ្ដល់ជំនឿទុកចឹត្តពីសំណាក់បងប្អូនប្រជាពលរដ្ឋមកលើអាជ្ញាធនិងសមត្ថកិច្ចអោយកាន់តែល្អប្រសើរឡើង ខណៈពេលដែលដំណើរការបោះឆ្នោតឃុំសង្កាត់នឹងត្រូវរៀបចំធ្វើឡើងនៅប្រមាណកន្លះឆ្នាំទៀត៕