14-តុលា-2021 - ម៉ោង 02:21:PM
តាកែវ៖ លោក ប៊ុន បូរិន្ទ ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តតាកែវ ព្រឹកព្រហស្បតិ៍ ថ្ងៃទី១៤ ខែតុលា ឆ្នាំ២០២១ បានអញ្ជើញចុះចែកអំណោយមនុស្សធម៍របស់មន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តតាកែវ ជូនដល់គ្រួសារពលរដ្ឋដែលមានជីវភាពខ្វះខាត សរុបចំនួន ២៥គ្រួសាររស់នៅក្នុងមូលដ្ឋានឃុំ រមេញ ស្រុកកោះអណ្តែត។
នាឱកាសនោះផងដែរលោក ប៊ុន បូរិន្ទ ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តតាកែវ ក៏បានមានមតិសំណេះសំណាល សាកសួរសុខទុក្ខ និងធ្វើការផ្តាំផ្ញើរដល់បងប្អូនប្រជាពលរដ្ឋ ដែលបានអញ្ជើញមកទទួលអំណោយនៅថ្ងៃនេះ សូមបន្តចូលរួមអនុវត្តវិធានការ ក្នុងការការសពារខ្លួន ឲ្យរួចផុតពីការឆ្លងជំងឺកូវីដ១៩ ដោយនាំគ្នាបន្តធ្វើតាមការណែនាំរបស់ក្រសួងសុខាភិបាល និងប្រសាសន៍ណែនាំដ៏ខ្ពង់ខ្ពស់របស់សម្តេចតេ ហ៊ុន សែន នាយករដ្ឋមន្ត្រីនៃកម្ពុជា នូវវិធាន ៣កុំ និង ៣ការពារ ឲ្យបានខ្ជាប់ខ្ជួនត្រឹមត្រូវ ។
បន្ទាប់ពីរការសំណេះរបស់លោកប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តរួចមក លោក គិន ភក្ដី អភិបាល នៃគណៈអភិបាលស្រុកកោះអណ្តែត ជំនួសមុខអោយបងប្អូនប្រជាពលរដ្ឋទាំង ២៥គ្រួសារ ក៏សូមថ្លែងអំណរគុណដល់ លោក ប៊ុន បូរិន្ទ និងលោក លោកស្រី ដែលបានផ្តល់អំណោយជួនពួកគាត់ថ្ងៃនេះ គឺសូមឲ្យលោក ជួបតែសំណាងល្អ សុខភាពល្អរឹងមាំ ជៀសផុតឆ្ងាយពីជំងឺឆ្លងកូវីដ-១៩ ។
សូមបញ្ជាក់ថា អំណោយដែលគ្រួសារនីមួយៗទទួលបាន គឺគ្រឿងឧបភោគបរិភោគមួយចំនួនរួមមាន អង្ករ ត្រីខ ទឹកត្រី និងសម្ភារៈមួយចំនួនផងដែរ ៕