14-កញ្ជា-2021 - ម៉ោង 10:00:AM
ភ្នំពេញ៖ ក្រសួងអប់រំ យុវជន និងកីឡា បានកំណត់ដោយតម្រូវឱ្យសិស្សានុសិស្ស និងបុគ្គលិកអប់រំទាំងអស់ ដែលមិនទាន់បានចាក់វ៉ាក់សាំងបង្ការជំងឺកូវីដ១៩ មិនគួរត្រូវបានអនុញ្ញាតឱ្យចូលសាលានោះទេ អាចត្រឹមតែបង្រៀន និងរៀនតាមប្រព័ន្ធអនឡាញតែប៉ុណ្ណោះ ។
នៅក្នុងសេចក្តីណែនាំ ស្តីពីគោលការណ៍ប្រតិបត្តិស្តង់ដាសម្រាប់ការលើកកំពស់សុខភាព និងសុវត្ថិភាពសិក្សា ក្នុងការបង្រៀន និងរៀនតាមបណ្តុំ សម្រាប់គ្រឹះស្ថានសិកសិក្សាសាថារណៈ និងឯកជន បានកំណត់គោលការណ៍នៅក្នុងចំណុចទី៥យ៉ាងដូច្នេះថា
- សិស្ស គ្រូ និងបុគ្គលិកអប់រំ ត្រូវចាក់វ៉ាក់សាំង បង្ការជំងឺកូវីដ១៩ ឱ្យបានគ្រប់ៗគ្នា
- ត្រូវបង្ហាញប័ណ្ណចាក់វ៉ាក់សាំង បង្ការជំងឺកូវីដ១៩ មុនពេលចូលគ្រឹះស្ថានសិក្សា
- អ្នកសិក្សា និងបុគ្គលិកអប់រំ ដែលមិនបានចាក់វ៉ាក់សាំងបង្ការជំងឺកូវីដ១៩ មិនគួរអនុញ្ញាតឱ្យចូលក្នុងបរិវេណគ្រឹះស្ថានសិក្សា ឬការរៀនតាមបណ្តុំ ប៉ុន្តែត្រូវរៀន និងបង្រៀនតាមប្រព័ន្ធអនឡាញ
- ចំពោះអ្នកសិក្សា និងបុគ្គលិកអប់រំដែលមានជំងឺប្រចាំកាយ ឬអាយុច្រើន គួរអនុញ្ញាតឱ្យបង្រៀន និងរៀនតាមប្រព័ន្ធអនឡាញ។
ចំពោះការបើកសាលាឡើងវិញ នាថ្ងៃទី ១៥ កញ្ញា ២០២១ ស្អែកនេះ គឹតម្រូវឲ្យសិស្សានុសិស្ស ក៏ដូចជាគ្រូបង្រៀន អនុវត្តឲ្យបាននូវគោលការណ៍សុវត្ថិភាព ដើម្បីការពារការចម្លង និងឆ្លងរាលដាលឡើងវិញ នៅក្នុងសាលា ដែលតម្រូវ ត្រូវមានឯកសារ ចាក់វ៉ាក់សាំង ជាចាំបាច់ នៅពេលចូលក្នុងបរិវេណសាលា ៕