01-សីហា-2021 - ម៉ោង 01:09:PM
តាកែវ៖ កាលពីពេលថ្មីៗនេះ អភិបាលក្រុងដូនកែវ លោក កង អាណាន់ សហការណ៍ជាមួយមន្ត្រី ជំនាញនៃមន្ទីរ សាធារណការនិងដឹកជញ្ជូនខេត្តតាកែវ បានចុះពិនិត្យមើលផលប៉ះពាល់ និងសម្រេចឱ្យ បងប្អូនប្រជាពលរដ្ឋជាង ១៣០គ្រួសារ រុះរើសំណង់រឹង សំយ៉ាបផ្ទះ បង្គោលភ្លើង ដែលសង់រលើដីចំណី ផ្លូវចេញឲបានមុនមួយសប្តាហ៍ ដើម្បីរៀបចំដាក់លូរបង្ហូរទឹកបញ្ជៀសការជនលិចពីក្រុងដូនកែវ នៅលើកំណាត់ផ្លូវជាតិលេខ២ ផ្លូវវៀងក្រុង (អតីតផ្លូវក្រុងលេខ ២១) ប្រវែងជិត ២៧៦០ម៉ែត្រ អមសងខាងផ្លូវ ដោយដាក់លូរមុខកាត់ ១ម៉ែត្រ ។
ថ្លែងប្រាប់អ្នកសារព័ត៍មាន នៅក្នុងការចុះពិនិត្យការរៀបចំបណ្តាញប្រព័ន្ធលូរបង្ហូរទឹកថ្មី នៅលើកំណាត់ ផ្លូវជាតិលេខ ២ វៀងក្រុងដូនកែវ លោក កង អាណាន់ អភិបាលក្រុងដូនកែវបានលើកឡើងថា ការរៀបចំ ពិនិត្យមើលផលប៉ះពាល់ ដែលមានការសង់រំលោភលើដីចំណីផ្លូវនេះ វាពិតជាធ្វើឱ្យ មានការ ខាតបង់នៅ ទ្រព្យសម្បត្តិរបស់បងប្អូនប្រជាពលរដ្ឋហើយ ព្រោះមុន និងសាងសង់បងប្អូនប្រជាពលរដ្ឋ ម្នាក់ៗគឺបាន ដឹងទាំងអស់ថាខ្លួន កំពុងសង់រំលោភលើដីចំណីផ្លូវដូច្នេះ បើរដ្ឋត្រូវការពង្រីកឬរៀបចំប្រព័ន្ធលូរនោះ ប្រជាពលរដ្ឋទាំងនោះ និងព្រមរុះរើចេញវិញដោយឥតលក្ខណ្ឌ ។
លោកអភិបាលក្រុងបន្តថា ដូច្នេះក្នុងការចុះពិនិត្យនាព្រឹកនេះយើងសង្កេតឃើញថា មានផ្ទះបងប្អូនប្រជា ពលរដ្ឋប្រមាណជា ១៣០គ្រួសារ បានរងការប៉ះពាល់នៅដីចំណីផ្លូវ ដើម្បីធ្វើការពង្រីក និងដាក់លូរបង្ហូរ ទឹកមុខកាត់មួយ ម៉ែត្រអមសងខាងផ្លូវ ដើម្បីបញ្ចៀសការជនលិចនៅពេលរដូវភ្លៀងធ្លាក់៕
