14-មិថុនា-2021 - ម៉ោង 03:07:PM
តាកែវ៖ នៅរសៀលថ្ងៃទី១៤ ខែមិថុនា ឆ្នាំ២០២១នេះ លោកវេជ្ជបណ្ឌិត នុត ស៊ីណាត ប្រធានមន្ទីរសុខាភិបាលខេត្តតាកែវ បានថ្លែងប្រាប់អង្គភាពព័ត៌មាន PostKhmerAsia ថា កាលពីថ្ងៃទី១៣ ខែមិថុនានេះ ក្រុមគ្រូពេទ្យជំនាញបានធ្វើតេស្ដរកឃើញករណីឆ្លងវីរុសកូវីដ-១៩ ថ្មីចំនួន ៥៧នាក់ ស្រី ៤៥នាក់។
ប្រធានមន្ទីរសុខាភិបាលខេត្ត លោកវេជ្ជបណ្ឌិត នុត ស៊ីណាត បានបន្ថែមថា ក្រុងស្រុកទាំង ១០ ដែលរក ឃើញមាន អ្នកឆ្លងជំងឺកូវីដ១៩នេះ គឺមាន ស្រុកសំរោង ០៨នាក់ ស្រុកត្រាំកក់ ១៣នាក់ ស្រុកព្រៃកប្បាស ០២នាក់ ស្រុកបូរីជលសារ ០១នាក់ ស្រុកគិរីវង់ ០៤នាក់ ស្រុកបាទី ១៥នាក់ ស្រុកទ្រាំង ០៦នាក់ ក្រុងដូនកែវ ០៧នាក់ និងមកពីស្រុកកំពង់ត្រាច ខេត្តកំពត ០១នាក់ ។
ជាមួយគ្នានេះដែរ លោកវេជ្ជបណ្ឌិតប្រធានមន្ទីរសុខាភិបាលខេត្ត ក៏បានបន្តអំពាវ នាវទៅដល់បងប្អូន ប្រជាពលរដ្ឋ ដែលមានការសង្ស័យលើខ្លួនឯង ឬធ្លាប់ប៉ះពាល់ដោយផ្ទាល់ និងដោយប្រយោល សូមមេត្តាមកផ្តល់សំណាក និងធ្វើចត្តាឡីស័កឱ្យបានត្រឹមត្រូវ តាមការណែ នាំរបស់ក្រសួងសុខាភិបាល ពិសេសអនុវត្ត៣កុំ៣ការពារ ដើម្បីកាត់បន្ថយការឆ្លងរាលដាលជំងឺ កូវីដ-១៩ក្នុង សហគមន៍របស់យើង។
ដោយឡែក លោកវេជ្ជបណ្ឌិត នុត ស៊ីណាត ក៏បានបញ្ជាក់ថា ត្រឹមថ្ងៃទី១៣ ខែមិថុនា ឆ្នាំ២០២១ នេះ ខេត្តតាកែវ បានរកឃើញអ្នកឆ្លងវីរុសកូវីដ-១៩ សរុបចំនួន ១៧៧៣នាក់ ស្រី ១១៥៨នាក់ អ្នកជំងឺកំពុងសម្រាកព្យាបាលសរុបចំនួន ៨៩៦នាក់ ស្រី ៥៧៩នាក់ បានពិនិត្យព្យាបាលជា សះស្បើយសរុបចំនួន ៩៥៨នាក់ ស្រី ៦១៨នាក់ និងមានអ្នកជំងឺស្លាប់សរុបចំនួន ១២នាក់ ស្រី ០៩នាក់ ព្រមទាំងបានបញ្ជូលទៅរាជធានីភ្នំពេញ សរុបចំនួន ១០នាក់ សម្រាកព្យាបាលព្រីមៀ សែនសុខ ភ្នំពេញ ០៥នាក់ សម្រាកព្យាបាលមន្ទីរពេទ្យហ្លូងម៉ែ ០២នាក់ និងសម្រាកព្យាបាល មន្ទីរពេទ្យ ចាក់អង្រែ ០១នាក់ ៕