13-មិថុនា-2021 - ម៉ោង 05:07:PM
តាកែវ៖ យោងទៅតាមរបាយការណ៍ របស់មន្ទីរសុខាភិបាលខេត្តតាកែវ បានឱ្យដឹងថា កាលពី ថ្ងៃ១២ ខែមិថុនា ឆ្នាំ២០២១នេះ បានរកឃើញអ្នកឆ្លងជំងឺកូវីដ១៩ថ្មី ចំនួន ៤៩នាក់។
ដោយឡែកបើតាមការបញ្ជាក់ពី លោកវេជ្ជបណ្ឌិត នុត ស៊ីណាត ប្រធានមន្ទីរសុខាភិបាលខេត្ត បានប្រាប់អង្គភាព ព័ត៌មាន ផុសខ្មែរអាស៊ា ឱ្យដឹងនៅថ្ងៃទី១៣ ខែមិថុនានេះថា ក្រុងស្រុកទាំង ១០ ដែលរក ឃើញមាន អ្នកឆ្លងជំងឺកូវីដ១៩នេះ គឺមាន ស្រុកសំរោង ១០នាក់ ស្រុកត្រាំកក់ ១១នាក់ ស្រុកព្រៃកប្បាស ០៥នាក់ ស្រុកអង្គរបូរី ០៦នាក់ ស្រុកបាទី ០៣នាក់ ស្រុកគិរីវង់ ០៥នាក់ ស្រុកបូរីជលសារ ០៣នាក់ និងស្រុកកោះអណ្ដែត ០៦នាក់ ។
ជាមួយគ្នានេះដែរ ប្រធានមន្ទីរសុខាភិបាលខេត្ត លោកវេជ្ជបណ្ឌិត នុត ស៊ីណាត ក៏បានបន្តអំពាវ នាវទៅដល់បងប្អូន ប្រជាពលរដ្ឋ ដែលមានការសង្ស័យលើខ្លួនឯង ឬធ្លាប់ប៉ះពាល់ដោយផ្ទាល់ និងដោយប្រយោល សូមមេត្តាមកផ្តល់សំណាក និងធ្វើចត្តាឡីស័កឱ្យបានត្រឹមត្រូវ តាមការណែ នាំរបស់ក្រសួងសុខាភិបាល ពិសេសអនុវត្ត ៣កុំ ៣ការពារ ដើម្បីកាត់បន្ថយការឆ្លងរាលដាលជំងឺ កូវីដ-១៩ក្នុង សហគមន៍របស់យើង៕