12-មិថុនា-2021 - ម៉ោង 10:53:AM
តាកែវ៖ យោងទៅតាមរបាយការណ៍ខាងមន្ទីរសុខាភិបាលខេត្តតាកែវ បានឱ្យដឹងនៅថ្ងៃ១១ ខែមិថុនា ឆ្នាំ២០២១ នេះ បានរកឃើញអ្នកឆ្លងជំងឺកូវីដ១៩ថ្មី ចំនួន ៥០នាក់ ប៉ុន្តែព្យាបាលជាសះស្បើយ ០៥នាក់។
បើតាមការបញ្ជាក់ពី លោកវេជ្ជ. នុត ស៊ីណាត ប្រធានមន្ទីរសុខាភិបាលខេត្ត បានប្រាប់អង្គភាព ព័ត៌មាន ផុសខ្មែរអាស៊ា ឱ្យដឹងនៅថ្ងៃទី១២ ខែមិថុនានេះថា ក្រុងស្រុកទាំង ១០ ដែលរក ឃើញមាន អ្នកឆ្លងជំងឺកូវីដ១៩នេះ គឺមាន ស្រុកកោះអណ្ដែត ០២នាក់ ស្រុកអង្គរបូរី ០៧នាក់ ក្រុងដូនកែវ ០៣នាក់ ស្រុកទ្រាំង ០៣នាក់ ស្រុកបាទី ០៤នាក់ ស្រុកត្រាំកក់ ២៤នាក់ ស្រុកព្រៃកប្បាស ០៦នាក់ និងស្រុកសំរោង ០១នាក់ ។
ជាមួយគ្នានេះដែរ លោកប្រធានមន្ទីរសុខាភិបាលខេត្ត ក៏បានបន្តអំពាវនាវទៅដល់បងប្អូន ប្រជាពលរដ្ឋ ដែលមានការសង្ស័យលើខ្លួនឯង ឬធ្លាប់ប៉ះពាល់ដោយផ្ទាល់ និងដោយប្រយោល សូមមេត្តាមកផ្តល់សំណាកនិងធ្វើចត្តាឡីស័កឱ្យបានត្រឹមត្រូវតាមការណែនាំរបស់ក្រសួងសុខាភិបាល ពិសេសអនុវត្ត៣កុំ៣ការពារ ដើម្បីកាត់បន្ថយការឆ្លងរាលដាលជំងឺ កូវីដ១៩ក្នុង សហគមន៍របស់យើង៕
