11-មិថុនា-2021 - ម៉ោង 03:56:PM
តាកែវ៖ ចំនួនអ្នកឆ្លងជំងឺកូវីដ១៩នៅខេត្តតាកែវ ហាក់ឡើងខ្ពស់ជាងម្សិលមិញ ដោយយោងទៅ តាមរបាយការណ៍ខាងមន្រ្តីសុខាភិបាលនៅថ្ងៃ១០ ខែមិថុនា បានរកឃើញអ្នកឆ្លងជំងឺកូវីដ១៩ថ្មី ចំនួន ៦១នាក់ ប៉ុន្តែព្យាបាលជាសះស្បើយ ៣៤នាក់។
បើតាមការបញ្ជាក់ពីលោកវេជ្ជ. នុត ស៊ីណាត ប្រធានមន្ទីរសុខាភិបាលខេត្ត បានប្រាប់អង្គភាព ព័ត៌មានផុសខ្មែរអាស៊ាដឹងនៅថ្ងៃទី១១ ខែមិថុនានេះថា ក្រុងស្រុកទាំង១០ដែលរកឃើញមាន អ្នកឆ្លងជំងឺកូវីដ១៩នេះ គឺមានស្រុកសំរោង រកឃើញឆ្លង១នាក់ ស្រុកត្រាំកក់២៩នាក់ ស្រុកព្រៃកប្បាស៦នាក់ ស្រុកទ្រាំង២នាក់ ក្រុងដូនកែវ ៤នាក់ ស្រុកបាទី ៦នាក់ ស្រុកបូរីជលសារ ៣នាក់ ស្រុកកោះអណ្តែត១នាក់ ស្រុកគីរីវង់១នាក់ និងស្រុកអង្គរបូរី៨នាក់ ។
ជាមួយគ្នានេះដែរ លោកប្រធានមន្ទីរសុខាភិបាលខេត្ត ក៏បានបន្តអំពាវនាវទៅដល់បងប្អូន ប្រជាពលរដ្ឋ ដែលមានការសង្ស័យលើខ្លួនឯង ឬធ្លាប់ប៉ះពាល់ដោយផ្ទាល់ និងដោយប្រយោល សូមមេត្តាមកផ្តល់សំណាកនិងធ្វើចត្តាឡីស័កឱ្យបានត្រឹមត្រូវតាមការណែនាំរបស់ក្រសួងសុខាភិបាល ពិសេសអនុវត្ត៣កុំ៣ការពារ ដើម្បីកាត់បន្ថយការឆ្លងរាលដាលជំងឺ កូវីដ១៩ក្នុង សហគមន៍របស់យើង៕
