11-មិថុនា-2021 - ម៉ោង 11:16:AM
តាកែវ៖ នៅថ្ងៃទី១១ ខែមិថុនា ឆ្នាំ២០២១ លោក អ៊ុំ ចំរើន ប្រធានសហភាពសហព័ន្ធ យុវជនកម្ពុជាស្រុកទ្រាំង បានដឹកនាំសមាជិក សមាជិកាសហភាពសហព័ន្ធយុវជនកម្ពុជាស្រុក និងអាជ្ញាធរឃុំ ភូមិ នាំយកអំណោយរបស់ឯកឧត្តម សុខ ពុទ្ធិវុធ ប្រធានសហភាពសហ ព័ន្ធយុវជនកម្ពុជាខេត្តតាកែវ ចុះចែកជូន និងសួរសុខទុក្ខគ្រួសារដែលកំពុងធ្វើចត្តាឡីស័ក ចំនួន ០៥គ្រួសារ នៅភូមិពង្រ ឃុំខ្វាវ ស្រុកទ្រាំង ខេត្តតាកែវ ។
នាឱកាសនោះផងដែរ លោក អ៊ុំ ចំរើន ក៏បានពាំនាំនូវក្តីនឹករលឹក គោរពស្រសាញ់ពីចំងាយ ជូនចំពោះបងប្អូនប្រជាពលរដ្ឋ នៅក្នុងស្រុកទ្រាំង ក៏ដូចជាក្នុងខេត្តតាកែវទាំងមូល ពីសំណាក់លោក សុខ ពុទ្ធិវុធ ប្រធានសហភាពសហព័ន្ធយុវជនកម្ពុជាខេត្ត តាកែវ មកធ្វើការជម្រាបជូនបងប្អូនទាំងអស់គ្នា ទោះបីលោកមិនអញ្ជើញមកជួបផ្ទាល់លោកតែងតែយកចិត្តទុកដាក់ និងបានចាត់ឲ្យក្រុមការងារ ចុះសួរសុខទុក្ខ នាំនូវក្តីនឹករលឹកជម្រាបជូនបងប្អុនជានិច្ចពិសេសគឺចុះជួយដល់បងប្អូនដែលកំពុងជួបបញ្ហាខ្វះខាត អោយបានលឿន និងទាន់ពេល ទោះនៅទីណាកន្លែងណាក៏ដោយ មិនរើសអើងឡើយ។
ជាមួយគ្នានោះដែរ ទុកជាការដាស់តឿនដល់បងប្អូន ម្តងហើយម្តងទៀត លោក អ៊ុំ ចំរើន ក៏សូមឲ្យបងប្អូន នៅតែបន្តអនុវត្តវិធាន ការណែនាំរបស់ក្រសួងសុខាភិបាល ឲ្យបានត្រឹមត្រូវ ខ្ជាប់ខ្ជួនបន្តទៀត ដើម្បីចូលរួមទប់ស្កាត់ កុំឲ្យជំងឺកូវីដ១៩នេះ ។
អំណោយផ្តល់ជូន១គ្រួសារៗទទួលបាន: អង្ករចំនួន ១០គីឡូ-មីខ្លាឃ្មុំ ២៥កញ្ចប់-ត្រីខ ១០កំប៉ុង - ទឹកត្រី ១ដប-ទឹកស៊ីវអ៉ីវ ១ដប-ម៉ាស់ពេទ្យ ១ដុំ- សាប៊ូ ២ដុំ-ទឹកសុទ្ធ ១យួរ ផងដែរ ៕