11-មិថុនា-2021 - ម៉ោង 11:13:AM
តាកែវ៖ ដើម្បីការជួយសម្រួលនូវការលំបាកដល់បងប្អូនប្រជាពលរដ្ឋ ដែលមានជីវភាព ក្រីក្រខ្វះខាត និងកំពុងជាប់ខ្លួនធ្វើចត្តាឡីស័ក ក្នុងមូលដ្ឋានឃុំលំចង់ និងឃុំបឹងត្រាញ់ខាងត្បូង ក្នុងស្រុកសំរោង នៅព្រឹកថ្ងៃទី ១១ ខែមិថុនា ២០២១នេះ លោក កេត ម៉ៅ អភិបាលស្រុកសំរោងបាននាំយកសំភារៈ និងគ្រឿងឧបភោគ បរិភោគរបស់រដ្ឋបាលស្រុក ជូនរដ្ឋបាលឃុំទុកសម្រាប់ចែកជូនបងប្អូនប្រជា ពលរដ្ឋ ។
ជាមួយគ្នានោះផងដែរ លោកអភិបាលស្រុកសំរោង ក៏ការណែនាំទៅដល់អាជ្ញាធរភូមិឃុំទាំង២ ត្រូវបន្តចុះធ្វើការផ្សព្វផ្សាយ នូវវិធានការ ការពាររបស់ក្រសួងសុខាភិបាល និងវិធានការ ៣កុំ និង៣ការពារ ដល់ខ្នងផ្ទះរបស់ប្អូនប្រជាពលរដ្ឋ ឲ្យពួកគាត់បានយល់ដឹងកាន់តែច្បាស់ និងអនុវត្តអោយបានត្រឹមត្រូវ ខ្ជាប់ខ្ជួនបន្តទៀត ដើម្បីរួមគ្នាទប់ស្កាត់អោយបាន កុំឲ្យជំងឺដ៏កាចសាហាវមួយនេះ ចូលក្នុងសហគមន៍យើងរស់នៅបន្តបាន ដូច្នេះមានតែការជួយគ្នា ក្នុងការចុះអប់រំដល់ប្រចាពលរដ្ឋតាមខ្នងផ្ទះក្នុងមូលដ្ឋានយើងនេះហើយ ទើបយើងអាចទៅលុបបំបាត់ជំងឺនេះបាននៅថ្ងៃខាងមុខ ។ ក្នុងសម្ភារៈដែលបានផ្តល់ជូនរដ្ឋបាលឃុំទាំង២រួមមាន៖អង្ក៥០កញ្ចប់ មី៥០កេស អាកុល៥០ដប ដើម្បីទុក្ខចែកជូនបងប្អូនដែលមានជីវភាពលំបាក និងកំពុងដាក់ខ្លួនធ្វើចត្តាឡីស័កនៅតាមផ្ទះ។
ជាការរំលឹកចុងក្រោយ លោកអភិបាលស្រុកសំរោង ក៏សូមបងប្អូននូវតែបង្កើនការប្រុងប្រយត្ន័ និងអនុវត្តអោយបាននូវវិធានការណ៍ ៣កុំ ៣ការពារ ដើម្បីខ្លួនយើង ក្រុមគ្រួសារយើង និង សង្គមជាតិយើង ជៀសផុតពីគ្រោះចង្រៃនេះ៕