11-មិថុនា-2021 - ម៉ោង 09:16:AM
តាកែវ៖ ថ្ងៃទី១០ ខែមិថុនា ឆ្នាំ២០២១ កម្លាំងនគរបាលការិយាល័យប្រឆាំងបទល្មើស គ្រឿងញៀន សហការជាមួយកម្លាំងនឝរបាលស្រុកបាទី សម្របសម្រួលនីតិវិធីពីលោក ជីវ ចាន់តារា ព្រះរាជអាជ្ញា នៃអយ្យការអមសាលាដំបូងខេត្តតាកែវ បានធ្វើការឃាត់ខ្លួនជនសង្ស័យ បានចំនួន០៤នាក់ ស្ថិតក្នុងភូមិរកាខ្ពស់ ឃុំត្រពាំងសាប ស្រុកបាទី ខេត្តតាកែវ។
ក្នុងករណីបង្ក្រាបបទល្មើសគ្រឿងញៀននេះដែរ កម្លាំងសមត្ថកិច្ចបានធ្វើការឃាត់ខ្លួនជនសង្ស័យ បានចំនួន ០៤នាក់ ដែលក្នុងនោះទី១មានឈ្មោះ ផាង សម្បត្តិ ភេទប្រុស អាយុ២១ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅភូមិកណ្តឹងធំ ឃុំកណ្តឹង ស្រុកបាទី ខេត្តតាកែវ(ជួញដូរ)។ទី២-ឈ្មោះ ទុន ពៅ ភេទប្រុស អាយុ២៥ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅភូមិតាស៊ូ ឃុំត្រពាំងសាប ស្រុកបាទី ខេត្តតាកែវ(ប្រើប្រាស់)។ទី៣-ឈ្មោះ ម៉ឹង ឡយ ភេទប្រុស អាយុ១៨ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅភូមិត្រគៀត ឃុំត្រពាំងសាប ស្រុកបាទី ខេត្តតាកែវ(ប្រើប្រាស់)។និងទី៤-ឈ្មោះ ខៃ ណុប ភេទប្រុស អាយុ២៦ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅភូមិរកាខ្ពស់ ឃុំត្រពាំងសាប ស្រុកបាទី ខេត្តតាកែវ(ប្រើប្រាស់)។
ចំពោះករណីខាងលើនេះដែរ សមត្ថកិច្ចបានធ្វើការដកហូតវត្ថុតាងបានមួយចំនួនរួមមាន៖ ១-គ្រឿងញៀនប្រភេទមេតំហ្វេតាមីន(ICE) ចំនួន២៥កញ្ចប់ធំ ទម្ងន់៩,១៨ក្រាម ទូរស័ព្ទចំនួន០២គ្រឿង។
បច្ចុប្បន្នជនសង្ស័យ រួមនិងវត្ថុតាងត្រូវបានកសាងសំណុំរឿង បញ្ជូនខ្លួនទៅកាន់សាលាដំបូងខេត្តតាកែវ ដើម្បីចាត់ការនីតិវិធីច្បាប់ហើយដែរ ៕